"Bu bizning ishimiz emas"

AQSh vise-prezidenti Jey Vens AQShning Hindiston va Pokiston o‘rtasidagi mojaroga aralashmasligini ma’lum qildi, deya xabar bermoqda The Guardian.

"Biz qila oladigan narsa - bu odamlarni keskinlikni biroz pasaytirishga undashdir, lekin biz aslida bizning ishimiz bo‘lmagan va Amerikaning nazorat qilish imkoniyatiga aloqasi bo‘lmagan urushning avj olishiga aralashmoqchi emasmiz," dedi Vens Fox News telekanaliga bergan intervyusida.

U AQSh yadro quroliga ega tomonlarning hech birini vaziyatni keskinlashtirmaslikka majbur qila olmasligini ta’kidladi, shu sababli Vashington "bunga diplomatik yo‘llar orqali erishishni davom ettiradi".