Tailandda Sibir kuydirgisidan birinchi o‘lim aniqlandi

Tailandda erkak Sibir kuydirgisidan vafot etdi, deb xabar bermoqda Bangkok Post.

«Bemorning o‘ng qo‘lida jarohat bor edi, o‘ng qo‘ltiq ostidagi limfa tugunlari esa shishib ketgandi. Kasallik tarixida u xom mol go‘shti iste’mol qilgani ko‘rsatilgan. Dastlabki tashxis septik shokka ishora qilgan, Tibbiyot fanlari deprtamentining laboratoriya tadiqqotlari bo‘lsa Sibir kuydirgisini keltirib chiqaradigan Bacillus anthracis bakteriyasi mavjudligini ko‘rsatdi», — deyiladi xabarda.

Tailand Kasalliklarni nazorat qilish departamenti ushbu holat mamlakat shimoli-sharqidagi Mukdaxan provinsiyasida yuz berganini tasdiqlagan. 53 yoshli erkak infeksion kasallikni diniy bayram vaqtida yegan mol go‘shtidan yuqtirib olgani taxmin qilinmoqda.

2 may kuni Mukdaxan provinsiyasida yana bir kishida Sibir kuydirgisi aniqlangan.

«Aniqlangan holatlardan biri o‘lim bilan yakunlandi. Ijobiy natija OT-TSR usuli orqali tasdiqlandi. Ehtimoliy yana ikki bemorning test natijaalri ertaga e’lon qilinishi kutilmyapti», — deyiladi xabarda.