Moskva Shimoliy Koreya qo‘shinlarining "qahramonligi"ni maqtamoqda

Rossiya hujumini e’lon qilar ekan, Gerasimov ruslar bilan yelkama-elka jang qilayotgan Shimoliy Koreya qo‘shinlariga ham tahsin aytdi - bu Moskvaning ularning mojarodagi ishtiroki haqida birinchi rasmiy e’tirofi edi.

U Kurskdagi Shimoliy Koreya askarlarining "qahramonligi"ni alohida ta’kidlab, ular "Ukraina qurolli kuchlari guruhini mag‘lub etishda sezilarli hissa qo‘shganini" aytdi.

Janubiy Koreya va G‘arb razvedka xizmatlarining ma’lumotlariga ko‘ra, o‘tgan yili Shimoliy Koreyadan 10 mingdan ortiq askar Moskvaga Ukraina kuchlariga qarshi kurashishda yordam berish uchun Rossiyaga yuborilgan.

Ukraina hududda jang qilayotgan Shimoliy Koreya askarlaridan bir nechtasini asirga olib, so‘roq qilganini ta’kidlamoqda.

Kurskning Rossiya tomonidan qayta egallanishi xabari tarqalgan paytda, Ukraina prezidenti Vladimir Zelenskiy Rim papasi Frantsiskning Vatikandagi dafn marosimi doirasida AQSh prezidenti Donald Tramp bilan "to‘liq va so‘zsiz o‘t ochishni to‘xtatish"ga erishish bo‘yicha sa’y-harakatlarni muhokama qilmoqda edi.

Kreml shanba kuni ham Putin "Ukraina bilan muzokaralarni hech qanday shartlarsiz qayta boshlashga" tayyorligini aytdi.