Украинанинг Харьков вилоятидаги Купянск шаҳридан Россия қўшинларини якуний тозалаш муддати белгиланди.
Бу ҳақда Украина президенти Владимир Зеленский 3 ноябрь куни ўз кабинетида бир гуруҳ журналистлар билан учрашувда маълум қилган.
"Купянскда 60 нафаргача россиялик ҳарбий қолмоқда. Тозалаш операцияси давом этмоқда. Биз ҳаммасини аниқлаймиз. Аслида саналар аллақачон белгилаб қўйилган – улар Бош штабда муҳокама қилинган. Ҳозирча ҳеч қандай тафсилотларни ошкор қилмаймиз" - деди Украина раҳбари Купянскдаги ҳозирги вазият ҳақида ҳеч қандай тафсилотларни ошкор қилмасдан.