"Насаф" бош мураббийи Рўзиқул Бердиев Элит Осиё Чемпионлар Лигаси 4-туридан ўрин олган "Ал-Ваҳда"га қарши ўйиндаги мағлубиятдан (1:2) сўнг матбуот анжуманида иштирок этди.
"Ўйин оғир бўлишини кеча айтиб ўтган эдик. Амалда ҳам шундай бўлди. Кучимиз етганича қаршилик қилдик, лекин ўйиннинг охирига келиб жамоада куч қолмагани сабаб ташаббусни бериб қўйдик. Иккита стандарт вазият бугун рақибга ғалаба келтирди. Стандарт вазиятлардаги хатоларни тахлил қилиб чиқамиз.
Абдувоҳид (Неъматов) яхши дарвозабон. Балки босим таъсир қилаётгандир, балки рақобатнинг йўқлиги бундай хатоларга сабаб бўлаётгандир. Бугунги ва олдинги мағлубиятларда барча бирдек айбдор. Мағлубиятнинг асосий сабабларини айтиб ўтдим. Бу турнирда кучли рақибларга қаршилик кўрсатиш учун биз энг юқори ҳолатда бўлишимиз керак.
Бу ўйинлар бизга дарс бўлмоқда. Бундай жамоаларга қарши туриб бериш учун таркибимиз жуда кучли бўлиши керак. Бу нафақат "Насаф" учун, балки бошқа жамоаларимиз учун ҳам тааллуқли. Ҳозиргидан 2-3 баравар кучли легионерларни олиб келиш эса осон эмас», - деди "аждарлар" устози.
Ўзбекистонда 4 кишилик оиланинг яшаши учун қанча маблағ кераклиги ҳисоблаб чиқилди
Роналду Рунининг «Месси ундан яхши» деган сўзларига жавоб берди
Ламин Ямал нима учун севгилиси билан ажрашгани маълум бўлди
