Украина президенти Владимир Зеленский G7 саммити доирасидаги учрашувларда мамлакатнинг ҳаво ҳужумидан мудофаа имкониятларини кучайтириш масаласи асосий мавзулардан бири бўлганини маълум қилди.
Унинг айтишича, АҚШ президенти Доналд Трамп билан ўтган қисқа мулоқотда баллистик ракеталарга қарши тизимлар ва улар учун ракеталар ишлаб чиқариш лицензияларини олиш масаласи муҳокама қилинган.
«Биз бу масалани Президент Трамп билан муҳокама қилдик. Жамоаларимиз бу йўналишда иш олиб бормоқда. Умид қиламизки, бу сафар баллистик ракеталарга қарши тизимлар ва ракеталарни ишлаб чиқариш учун тегишли лицензияларни қўлга киритамиз», — деди Зеленский.
Шунингдек, Украина раҳбари саммит иштирокчилари билан бўлган учрашувларда қўшимча ҳаво мудофаа тизимларига эҳтиёж ҳақида ҳам фикр алмашилганини билдирди.
«Ҳаво мудофааси масаласини ҳамма тан олмоқда ва барча мамлакатлар Украина мудофаа қобилиятини мустаҳкамлаш бўйича ёрдам кўрсатмоқда. Тизимлар ва ракеталар бўйича музокаралар давом этмоқда», — деди у.
Зеленскийнинг таъкидлашича, G7 давлатлари раҳбарлари Россиянинг урушда ғалаба қозонаётгани ҳақидаги қарашни қўллаб-қувватламайди.
«Россия ғалаба қозонаётмаганини ҳамма тушуниши жуда муҳим. Энди асосий вазифа — урушни якунлаш учун биргаликда ҳаракат қилишдир», — деди Украина президенти.
Муниса Ризаева тўй хизматлари нархини ошкор қилди: Пойтахт ва вилоятлар ўртасидаги фарқ қанча?
Ўзбекистон — Колумбия ўйини учун чипталар сотуви рекорд даражага чиқди
Сўнгги 140 йилдаги энг кучли Эл-Нино ҳодисаси яқинлашмоқда. Бу бутун дунёдаги об-ҳавога таъсир қилиши мумкин
