АҚШ Ҳарбий-ҳаво кучларининг B-52 Stratofortress стратегик бомбардимончи самолёти Калифорниядаги "Эдвардс" авиабазасидан парвоз қилганидан кўп ўтмай ҳалокатга учради.
Бу ҳақда авиабазанинг ижтимоий тармоқлардаги саҳифасида эълон қилинди.
"Тез ёрдам бригадалари дарҳол воқеа жойига етиб келишди ва вазият назорат остида", дейилади баёнотда.
Ҳозирда жароҳатланганлар ёки ўлганлар бор-йўқлиги номаълум.
"Эдвардс" авиабазаси Калифорниянинг Мохаве чўлида, Лос-Анжелеснинг шимоли-шарқида жойлашган. База АҚШ Ҳарбий-ҳаво кучларининг синов учувчиси Глен Эдвардс шарафига номланган.