Зеленский Доналд Трамп ва Владимир Путин ўртасидаги суҳбатга муносабат билдирди

Украина президентининг баёнотларини Reuters ва АFP агентликлари келтирмоқда:

◾️ Россия президенти Украинада тўлақонли оташкесим таклифини амалда рад этди;

◾️ Энергетика инфратузилмасига ҳужумларни 30 кунга тўхтатиш таклифини қўллаб-қувватлаймиз, бироқ бу борада АҚШдан кўпроқ тафсилотларни билишни хоҳлади;

◾️ Киевнинг ҳамкорлари Украинага ҳарбий ёрдам кўрсатишни тўхтатмайди. Путиннинг Украинага ёрдам бермаслик талаблари бизни кучсизлантиришга қаратилган;

◾️ Украина узоқ муддатли, барқарор ва адолатли тинчликка олиб келадиган ҳар қандай таклифни қўллаб-қувватлайди;

◾️ Россия Украинанинг Суми вилояти билан чегарада куч тўплаётганини кўриб турибмиз. Шунингдек, РФ Қуролли кучлари Харков ва Запороже йўналишларида ҳужумга тайёргарлик кўряпти ва Украинага максимал босим ўтказишга интиляпти;

◾️ Украина Қуролли кучлари Курск вилояти ҳудудида ҳарбий ҳаракатларни давом эттиради;

◾️ Украинасиз Украина бўйича музокаралар ўтказиш натижа бермайди;

◾️ Россия томонидан ҳақиқий "яхши ниятли ҳаракат" барча украиналик асирларини озод қилиш бўларди;

◾️ Россия Украинанинг энергетика инфратузилмасига 30 кун давомида ҳужум қилмаслик тўғрисида эълон қилган келишувига қарамай, бугун тунда яна инфратузилма объектларимизга зарба берди;

◾️ Путин томонидан эълон қилинган шартлар Россиянинг урушни якунлашга "тайёр эмаслигини" кўрсатади.