Мерц Украина бўйича музокаралар тафсилотларини ошкор қилди

Германия канцлери Фридрих Мерц Украина бўйича музокаралар тафсилотларини ошкор қилди.

Мерц бу ҳақда ZDF телеканалида айтиб ўтди.

Унинг сўзларига кўра, томонлар ҳақиқатдан ҳам Украина шарқида “демилитаризация қилинган ҳудуд” яратиш масаласини муҳокама қилмоқда.

“Ҳозирда АҚШ, Россия, Украина ва Европа ҳам қуролсизлантирилган ҳудуд масаласини муҳокама қилмоқда”, деди Мерц.

Сиёсатчи бундай зонани яратишни қўллаб-қувватлади, чунки бу “низолашаётган томонларни ажратиш” имконини беради. Шунингдек, у “демилитаризация қилинган ҳудуд”ни яратиш “махсус иқтисодий зона”ни жорий этишни англатмаслигини таъкидлади. "Қайта айтаман, буларнинг барчаси келажак учун режалар. Биз ҳали бу нуқтага етганимиз йўқ", деб тушунтирди Мерц.