Украина томони АҚШ, Хитой ва Россия етакчиларининг эҳтимолий учрашувидан олдин Абу-Дабида АҚШ ва Россия музокара гуруҳлари билан учрашув ўтказишни хоҳламоқда.
Бу ҳақда Украина президенти Владимир Зеленский журналистларга маълум қилди.
«Бу қандай учрашув бўлишини кўрамиз. Биз, энг аввало, Абу-Дабида ўз учрашувимиз бўлишини жуда хоҳлардик», — деди у.
Унинг сўзларига кўра, Абу-Дабида уч томонлама учрашув ўтказиш АҚШ томонига боғлиқ. Чунки Россия ва Украина томонлари бундай учрашувда иштирок этишга тайёр эканликларини аллақачон тасдиқлаган.
АҚШ, Хитой ва Россия етакчилари — Дональд Трамп, Си Цзиньпин ва Владимир Путиннинг эҳтимолий учрашувига изоҳ берар экан, Зеленский унда Яқин Шарқдаги вазият ҳамда Россия ва Украина ўртасидаги можаро муҳокама қилиниши мумкинлигини таъкидлади.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
АҚШнинг Россия бўйича қарори Киевнинг умидларини пучга чиқарди
