Украина ва Қўшма Штатлар Италияда бўлиб ўтган G7 саммитида 10 йиллик икки томонлама хавфсизлик шартномасини имзолади.
Украина президенти Владимир Зеленский америкалик ҳамкасби Жо Байден билан қўшма матбуот анжуманида келишув имзоланган кунни «тарихий» деб атади.
«Ушбу келишув барқарор тинчликни кафолатлайдиган қадамлар ҳақидадир, шунинг учун у бутун дунёга фойда келтиради», деди Украина раҳбари.
Зеленский, шунингдек, келишув Украинанинг НАТОга аъзо бўлиши учун «кўприк» эканлигини таъкидлади.
Жо Байден, ўз навбатида, Украина учун барқарор тинчлик «мамлакатнинг ўзини ҳозирги таҳдидлардан ҳимоя қилиш ва келажакдаги ҳар қандай тажовузни олдини олиш қобилияти билан боғлиқ» эканини таъкидлади.
Украина аллақачон 16 давлат: Буюк Британия, Германия, Исландия, Дания, Испания, Швеция, Норвегия, Португалия, Бельгия, Латвия, Финляндия, Италия, Франция, Канада, Япония ва Голландия билан икки томонлама хавфсизлик шартномаларини имзолаган.
