Россия Федерацияси Сурия суверенитети, бирлиги ва ҳудудий яхлитлигига қатъий риоя қилиш заруратидан келиб чиқади. Бу ҳақда “Анадолу” мухбирига Россия ТИВ расмий вакили Мария Захарова Исроилнинг Суриядаги сиёсий ўзгаришлар давридаги хатти-ҳаракатлари, жумладан, Голан тепаликларида мавжудлигини шарҳлар экан, маълум қилди.
“Биз бу ҳақда кўп марта гаплашганмиз. Суриядаги вазиятга келсак, биз бу давлат суверенитети, бирлиги ва ҳудудий яхлитлигига қатъий риоя қилиш зарурлигидан келиб чиқамиз”, — деди россиялик дипломат.
Захарованинг таъкидлашича, “ҳозирги мураккаб шароитда жаҳон ҳамжамиятининг барча аъзолари масъулиятни намоён этиши ва халқаро ҳуқуқ меъёрларига қатъий риоя қилиши, Суриядаги кескинликни янада кучайтириши мумкин бўлган қадамлардан қочиши керак”.
“Бу, шунингдек, Голан тепаликларидаги ҳаракатлари 1974-йилда Сурия-Исроил ўртасида қўшинларни ажратиш тўғрисидаги келишув шартларини бузаётган Исроилга ҳам тегишли”, деди у.
Россия санкциялар билан таҳдид қилмоқда: нишонда Ўзбекистон ҳам бор!
Дунёда энг кўп миллионерлар яшайдиган давлатлар эълон қилинди
Қозоғистонда 1 миллионга яқин сайғоқни отишга қарор қилишди
