Юрген Клопп қачон мураббийликка қайтиши мумкинлиги айтилди

«Ливерпуль» клубининг собиқ бош мураббийи Юрген Клопп яқин вақт ичида мураббийлик фаолиятига қайтишни режалаштирмаяпти.

Журналист Сэм Уоллеснинг ижтимоий тармоқларда хабар беришича, 57 ёшли мутахассис мураббийликка қайтиш борасида ҳақида қарор қабул қилишдан олдин 2026 йилгача кутмоқчи. У мураббий сифатидаги ишга келаси йилнинг ёзидан эрта қайтмайди.

Клопп 2015 йилдан 2024 йилгача «Ливерпуль»да фаолият олиб борган. 2025 йил 1 январдан эътиборан у Red Bull компаниясида глобал раҳбар сифатида иш бошлади. Эслатиб ўтамиз, Юрген Клопп «Ливерпуль» билан биргаликда Англия Премьер-лигаси ва Чемпионлар Лигасини ютган.