Япония собиқ бош вазири ядро қуролига эгалик қилиш оқибатлари ҳақида огоҳлантирди

Япониянинг собиқ бош вазири Сигэру Исиба Fuji TV эфирида ядро қуролига эгалик қилишнинг оқибатлари ҳақида огоҳлантирди.

"Агар Япония ядро қуролига эга бўлса, у Ядро қуролини тарқатмаслик тўғрисидаги шартномадан чиқиши ва МАГАТЭни тарк этиши керак бўлади. Бундай ҳолда, бугунги кунда мамлакатнинг энергия хавфсизлигини қўллаб-қувватлаётган атом энергетика сиёсатимизнинг пойдевори ҳам қулайди," - дея унинг сўзларини келтиради РИА Новости.

Исибанинг таъкидлашича, ядро қуролига эгалик қилиш фойдадан кўра кўпроқ хавф туғдиради.