Япония Эрон ва АҚШ ўртасида билвосита музокараларни бошлашни таклиф қилди

Япония ташқи ишлар вазири Тосимицу Мотэги Эрон ташқи ишлар вазири Аббос Ароқчи билан телефон орқали суҳбатлашди.

Томонлар Эрон ва АҚШ ўртасида билвосита музокаралар ўтказиш имкониятини муҳокама қилди. Мотэги Япония кескинликни пасайтириш ва дипломатик ечимга эришиш учун воситачилик жараёнини тезлаштиришга тайёрлигини билдирди.

Ароқчи эса АҚШ билан музокараларнинг жорий ҳолати ва Эроннинг позицияси ҳақида маълумот берди.

Вазирлар вазиятга дипломатик ечим топиш мақсадида яқин алоқаларни давом эттиришга келишиб олди.