Янги йил муносабати билан Тошкентнинг айрим кўчаларида транспорт ҳаракати чекланди

Янги йил муносабати билан Тошкентнинг айрим марказий кўчаларида транспорт ҳаракати чекланди.

Пойтахт ҳокимлиги матбуот хизматининг хабар беришича, Янги йил байрами тадбирларига тайёргарлик кўриш ва уни юқори савияда ўтказиш, шунингдек, байрам тадбирлари вақтида аҳоли хавфсизлигини таъминлаш ҳамда жамоат тартибини сақлаш мақсадида 2024 йилнинг 10 декабридан 2025 йилнинг 15 январигача қуйидаги кўчаларда автотранспорт воситалари ҳаракати чекланади:

• Зарафшон кўчасининг Hyatt Regency Ташкент меҳмонхонаси қўриқлаш пункти ва Матбуотчилар кўчалари оралиғидаги қисми;
• Истиқлол кўчасининг Амир Темур ва Буюк Турон кўчалари оралиғидаги қисми;
• Буюк Турон кўчасининг Истиқлол кўчаси кесишмасидан Ёшлар ижод саройигача бўлган қисмида.

Кўрсатилган давр мобайнида ҳайдовчиларга муқобил йўллардан фойдаланиш тавсия қилинди.