Яман пойтахтидаги президент мажмуаси ҳудудига ҳаво зарбалари берилди

Саудия Арабистони авиацияси Яман пойтахти Санодаги президент мажмуаси ҳудудида жойлашган ҳусийларнинг ҳарбий базасига зарбалар берди.

Бу ҳақда РИА Новости Яман ҳукуматидаги манбага таяниб хабар қилди.

"Саудия авиацияси Сано жанубидаги президент мажмуаси ҳудудида жойлашган "Ан-Наҳдайн" ҳарбий лагерига зарбалар берди", — деди агентлик суҳбатдоши.

Сентябрь ойида аъзолари ҳусийлар номи билан танилган Ямандаги "Ансор Аллоҳ" ҳаракати ўз позицияларини мустаҳкамлаган эди.