Криштиану Роналду Даниядаги Португалия терма жамоаси йиғинини бош мураббий Жорже Жезуш билан навбатдаги келишмовчиликдан сўнг муддатидан олдин тарк этди.
Жезуш матбуот анжуманида 41 ёшли ҳужумчи Данияга қарши учрашувни ҳам асосий таркибда бошламаслигини маълум қилган. Бундан аввал Роналду Норвегияга қарши ўйинда 18 йил ичида биринчи марта бутун учрашувни захирада ўтказган эди.
Матбуот анжуманидан сўнг Роналду Португалия футбол федерацияси президенти Педру Проэнса билан учрашди ва шундан кейин терма жамоа йиғинини тарк этишга қарор қилди.
Футболчи Instagram саҳифасида кейинроқ кетиши сабаблари ҳақида португалларга «ҳақиқатни» айтиб беришини ёзди. Шу билан бирга, у терма жамоа ва барча ҳамкасбларига омад тилади.
Роналду Португалия терма жамоаси сафида 234 та учрашув ўтказган. Унинг миллий жамоага қайтиши-қайтмаслиги ҳозирча номаълум.
Португалия 1 октябрь куни Миллатлар лигасида Данияга қарши майдонга чиқади. Жамоа бу учрашувни ўз капитанисиз ўтказади.
Роналдунинг машҳур 7-рақами эса Рафаэл Леанга берилди. Миллатлар лигаси қоидаларига кўра, ўйин учун заявкага киритилган футболчилар 1 дан 23 гача бўлган рақамларни эгаллаши керак. Шу сабабли 7-рақамни бўш қолдириш мумкин эмас эди.
Данияга қарши учрашув Леан учун Португалия терма жамоасида 7-рақам остидаги биринчи ўйин бўлади.
Нега Исроил Ўзбекистонга қизиқиб қолди?
Раъно Шодиева учун оғир жудолик
Россия УҚКнинг Дронлар қўшинлари қўмондони Роберт "Мадьяр" Бровди учун 20 миллион доллар мукофот ваъда қилди
