Трамп: АҚШ Украинага айрим кучли ўқ-дориларни бермади

АҚШ президенти Дональд Трамп Вашингтон Украинага айрим «кучли ўқ-дорилар»ни бермаганини айтди. Унинг таъкидлашича, Киевда бундай қуроллардан фойдаланиш учун зарур воситалар, жумладан, тегишли самолётлар мавжуд эмас.

Трамп бу ҳақда «Тайм» журналига берган интервьюсида маълум қилди. Унинг сўзларига кўра, Украина президенти Владимир Зеленский айрим ўқ-дориларни олмаган бўлар эди, чунки уларни ишлатиш учун зарур ҳарбий воситалар мавжуд эмас.

АҚШ президенти, шунингдек, Вашингтон ҳарбий захираларини босқичма-босқич тўлдириб бораётганини айтди. Трампнинг таъкидлашича, Америка захиралари Жо Байден президентлиги даврида Украинага етказиб берилган қуроллар туфайли камайган.