«Барселона» вингери Ламин Ямал нуфузли «Олтин тўп» совринини қўлга киритиш нияти борлигини билдирди.
Истеъдодли футболчи ушбу мукофот учун курашишни режалаштираётганини айтди. Шунингдек, у Испания терма жамоаси билан жаҳон чемпионатида ғалаба қозонишни орзу қилади.
«2029 йилдан аввалроқ мен «Олтин тўп»ни қўлга киритишга умид қиламан. Бу эса «Барселона» билан Чемпионлар лигасида ва Испания билан жаҳон чемпионатида ғалаба қозонганимни англатади. Бу менинг энг катта орзуларимдан», — деди Ямал.
Аввалроқ суперкомпьютер Ламин Ямал 2029 йилда «Олтин тўп»ни қўлга киритиши мумкин деб тахмин қилган эди. Жорий мавсумда испаниялик футболчи «Барселона» таркибида 38 та ўйин ўтказиб, 13 та гол ва 17 та голли узатма амалга оширди.
Абдуқодир Ҳусановнинг нархи рекорд даражада кўтарилди
Аббос Файзуллаевнинг Россиядан кетадиган вақти келдими?
«Ман Сити» раҳбари ёзда Гвардиола билан хайрлашишга қарор қилди. Унинг ўрнига асосий номзод маълум
