Ямал Мбаппенинг рекордини янгилаш арафасида

«Барселона» ҳужумчиси Ламин Ямал 20 ёшга тўлмасдан Европанинг кучли бешлик чемпионатларида энг кўп гол урган футболчи рекордига яқинлашди.

19 ёшли испаниялик футболчи «Алавес»га қарши ўйинда (6:1) дубль қайд этиб, Ла Лигадаги голлари сонини 40 тага етказди.

Stats Foot маълумотига кўра, Ямал сўнгги 30 йилда 20 ёшга тўлмаган футболчилар орасида Майкл Оуэн билан иккинчи ўринни бўлишиб турибди.

Рекорд ҳозирча Килиан Мбаппега тегишли. Франциялик ҳужумчи 20 ёшигача 41 та гол урган. Ямаль 2027 йил июлидагина 20 ёшга тўлиши сабабли, ушбу натижани янгилаш учун етарлича вақтга эга.

Қизиғи, Оуэн 22 ёшида «Олтин тўп»ни қўлга киритган. Ямал эса 18 ва 19 ёшида ушбу соврин учун овоз беришда иккинчи ва учинчи ўринларни эгаллаган. Мбаппе ҳозирча бу мукофотга сазовор бўлмаган.