Худудларда қарийб 7 млрд сўмлик минерал ўғитларнинг талон-торожи фош этилди

Бош прокуратура ҳузуридаги Департаментнинг Қорақалпоғистон Республикаси бошқармаси томонидан тадбиркорлик субъектларининг ҳуқуқий ҳимояси юзасидан ўтказилган терговга қадар текширувда “E.V.” МЧЖ масъул шахслари “M.Ch.” АЖ билан тузилган шартномага асосан, сақловга қабул қилинган 4,3 млрд сўмлик 1 473 тонна аммиакли селитра ва 790,6 млн сўмлик 276 тонна аммоний сульфат минерал ўғитларини ўзлаштириш йўли билан талон-торож қилганликлари аниқланган.

Шу каби, Департаментнинг Хоразм вилояти бошқармаси томонидан ўтказилган терговга қадар текширувда “A.B.” МЧЖ масъул шахслари “M.Ch.” АЖ билан тузилган шартномага асосан, сақловга қабул қилинган умумий баҳоси 376,4 млн сўмлик 126 тонна аммиакли селитра минерал ўғитларини ўзлаштириш ва растрата қилиш йўли билан талон-торож қилганликлари аниқланган.

Департаментнинг Ғиждувон тумани бўлими томонидан ўтказилган терговга қадар текширувда "B.T." МЧЖ масъул шахслари “M.Ch.” АЖ билан тузилган шартномага асосан, сақловга қабул қилинган 760,1 млн сўмлик 255 тонна аммиакли селитра ва умумий баҳоси 272,1 млн сўмлик 95 тонна сульфат аммоний минерал ўғитларини ўзлаштириш ва растрата қилиш йўли билан талон-торож қилганликлари аниқланган.

Департаментнинг Сирдарё вилояти бошқармаси томонидан ўтказилган терговга қадар текширувда "Z.M." МЧЖ масъул шахслари “M.Ch.” АЖ билан тузилган шартномага асосан, сақловга қабул қилинган умумий баҳоси 200,7 млн сўмлик 67,4 тонна аммиакли селитра минерал ўғитларини ўзлаштириш ва растрата қилиш йўли билан талон-торож қилганликлари аниқланган.

Мазкур ҳолатлар юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят ишлари қўзғатилиб, тергов ҳаракатлари ўтказилмоқда.