Хитойнинг Шаньси провинцияси маъмурий маркази Тайюан шаҳрида кучли портлаш содир бўлди.
Бу ҳақда Хитой марказий телевидениеси маълум қилди.
Камида 17 киши жабрланган, улардан 4 нафарининг аҳволи оғир. Қидирув-қутқарув операцияси давом этмоқда.
Портлаш тахминан соат маҳаллий вақт билан соат 13:00 да содир бўлган. Воқеа жойини қуюқ қора тутун қоплаган. Портлашдан 100 метр узоқликда жойлашган уйларда дераза ойналари учиб кетган.
Фавқулодда ҳолат сабаблари ҳозирча маълум қилинмаган. Воқеа жойига ўт ўчирувчилар етиб келган.
