Хитойда камида 19 бола қўрғошиндан заҳарланди

Хитойнинг Ганьсу провинциясидаги хусусий болалар боғчасида камида 19 нафар бола қўрғошиндан заҳарланиш оқибатида жабрланди.

Shanghai Zhebao нашри боғча директори жиноий жавобгарликка тортилгани ҳақида хабар берди.

Касалхонага жами 19 нафар бола ётқизилган. Тиббий маълумотларга кўра, уларнинг баъзиларининг қонида қўрғошин даражаси 400 мкг/Л гача, касалхонага ётқизишни талаб қиладиган 250 мкг/л чегарадан анча юқори бўлган. Ота-оналарнинг сўзларига кўра, болаларда бир неча ой давомида кўнгил айниш, диарея, қорин крамплари ва оёқ оғриғи каби аломатлар кузатилган.

Маҳаллий ҳукумат ифлосланиш манбасини аниқлаш учун махсус гуруҳ тузди. Расмийлар ишлатилган озиқ-овқат қўшимчасини ҳали ошкор қилмади.

Хитойда сўнгги ўн йилликларда болаларнинг заҳарланиши билан боғлиқ кўплаб можаролар кузатилган. Улардан энг каттаси 2008 йилда содир бўлган меламинли сут ҳодисаси эди. Бир қатор ишлаб чиқарувчилар оқсил миқдори ортиши таъсирини яратиш учун сут маҳсулотларига меламин кимёвий қўшдилар. Расмий маълумотларга кўра, 300 мингдан ортиқ бола зарар кўрган, олти нафари буйрак этишмовчилигидан вафот этган.