Узунлиги тахминан 205 метр бўлган кема ташқи тузилишига кўра десант кемасини эслатади. Кеманинг орқа қисмида сувга чиқиш имконини берувчи док-камера (well deck) мавжуд. Бу жой йирик сувости аппаратларини қабул қилиш ва сувга тушириш имконини бериши мумкин.
Кеманинг олд қисмида катта ангар жойлашган. Унинг аниқ вазифаси ҳозирча расман маълум қилинмаган.
Naval News баҳосига кўра, ангарнинг ҳажми унга узунлиги 35–45 метр бўлган Хитойнинг XXLUUV синфига мансуб 4 тагача йирик учувчисиз сувости аппаратини жойлаштириш имконини беради. Ёки кичикроқ аппаратларни ундан ҳам кўпроқ миқдорда сақлаш мумкин.
Кема бундай аппаратларни сақлаш, техник хизмат кўрсатиш ва уларни операцияларга чиқариш учун хизмат қилиши мумкин.
Хитой ҳукумати қурилаётган кеманинг аниқ мақсадини ҳозирча ошкор қилмаган.
Аввалроқ Хитой тўлиқ ҳажмдаги икки хил XXLUUV намунасини намойиш этган. Naval News бундай аппаратлар узоқ масофали ҳарбий операцияларда қўлланиши мумкинлигини тахмин қилмоқда. Бироқ Хитойнинг сувости дронлари қандай аниқ вазифаларни бажариши ва улар учун қурилаётган ушбу кемадан қандай фойдаланилиши ҳозирча номаълум.
Буқа 300 минг долларга сотилди
Никоҳ ёшига етмаганларга фақатгина иккита узрли сабаб билан оила қуришга рухсат берилади
"СИ шу ўн йиллик охирига келиб барчамизни ўлдириши мумкин"
