"СИ шу ўн йиллик охирига келиб барчамизни ўлдириши мумкин"

Илгари OpenAI компаниясида ишлаган Жейкоб Коксоннинг фикрича, дунёдаги энг йирик сунъий интеллект компаниялари ўзини мустақил равишда такомиллаштира оладиган тизимларни яратиш пойгасида иштирок этмоқда.

Бироқ ҳозирча ҳеч ким бундай тизимларнинг хавфсизлигини қандай кафолатлаш мумкинлигини билмайди.

Унинг тахминларига кўра, шу ўн йиллик охирига келиб сунъий интеллект инсондан устун бўлиши, деярли ҳар қандай тизимни бузиб киришни ўрганиши, бир неча соат ичида илмий кашфиётлар қилиши ҳамда реал ресурслар ва ҳокимиятга эга бўлиши мумкин.

«СИ шу ўн йиллик охирига келиб барчамизни ўлдириши мумкин», — деди Коксон.

Аввалроқ шунга ўхшаш огоҳлантириш билан «сунъий интеллектнинг чўқинтирган отаси» деб аталувчи Жеффри Хинтон ҳам чиққан эди. Унинг таъкидлашича, кучли нейротармоқлар устидан назоратни йўқотиш инсоният учун жиддий хавф туғдириши мумкин.