Хитой Украинага тинчликпарвар кучларини юбориш имконияти ҳақида изоҳ беришдан бош тортди

"Биз фаразий вазиятлар ҳақидаги саволларга изоҳ бермаймиз," — дея таъкидлади Хитой ташқи ишлар вазирлиги вакили Го Цзякун.

Унинг қайд этишича, Пекин урушни музокаралар йўли билан ҳал қилиш тарафдори бўлиб қолмоқда.

Аввалроқ The Economist нашри Трамп Украина ва Европага алоқадор бўлмаган давлатлар, жумладан, Бразилия ва Хитойдан ҳам тинчликпарвар кучларини юборишни таклиф қилаётгани ҳақида хабар берган эди. Россия Украинада Европа тинчликпарвар кучларни жойлаштирилишга қаршилигини билдирган.