Америкалик машҳур журналист Такер Карлсон Эрон Президенти Масъуд Пезешкиян билан интервью уткказгани ва бу суҳбат яқин кунларда унинг медиа платформасида эълон қилиниши ҳақида маълум қилди. У суҳбат давомида Тегерон АҚШ билан урушга интилаяптими? деган саволни очиқча берганини айтди.
Интервью Эрондаги ядровий объектларга Америка бомбардимончилари томонидан қилинган ҳужумлардан сўнгги эскалациядан кейин ёзиб олинган.
Карлсон танқидларга тайёр эканини айтди, лекин барча томонларнинг қарашларини америкалик аудиторияга етказишни ўз бурчи деб ҳисоблашини таъкидлади:
«Биз ўн кун аввал Эрон билан уруш ҳолатида эдик — ва эҳтимол, яқин орада яна бўламиз. Инсонлар ҳақиқатни билишга ҳақли.»
Карлсон интервьюда Эроннинг ядровий дастури техник жиҳатлари ҳақида савол бермасликни танлаган, чунки у ҳолда ҳам «рост жавоб олмаслигини» билдирган. У асосий эътиборни Тегероннинг стратегик мақсадлари ва ниятларига қаратган.
Журналист, шунингдек, Исроил Бош вазири Биньямин Нетаньяхуга ҳам шундай интервью учун таклиф йўллаганини, аммо ҳозирча жавоб олмаганини маълум қилди.
Карлсон — аввал Трампни қўллаб-қувватлагани билан танилган — июнь ойида Исроилнинг Эронга қарши зарбасини қаттиқ танқид қилган, уни "уруш акти" деб атаган ва бу зарбада "АҚШ ҳамжиноятчига айланганини" таъкидлаган. Шунингдек, у ҳақиқий изоляционист сиёсат бундай операциялар билан мутлақо мос келмаслигини айтган.
Элдор Шомуродовнинг янги жамоаси маълум. У Италиядан кетмоқда
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
