Россия 7 июль кечаси 120 та украин дронларини тўхтатганини маълум қилди — ҳужум камида 10 та ҳудудни, жумладан Брянск, Курск ва Ленинград вилоятларини қамраб олди. Ҳарбийлар маълумотига кўра, Брянск устида 30, Курск устида 29, Ленинград вилояти устида 3 дрон йиқилган.
Киев томонидан расмий изоҳ берилмади, аммо Россияда авиасоҳадаги бузилишлар ҳеч қачон бундай кенг кўламда бўлмаган.
Федерал ҳаво транспорти агентлиги (Росавиация) Пулково аэропорти фаолиятига 22:15 дан 00:30 гача «вақтинчалик чекловлар» киритганини эълон қилди. Москвада эса 21:00 га қадар Шереметьево аэропортида 174 рейс бекор қилинди (уларнинг 80% — «Аэрофлот»), яна 47 рейс икки соатдан зиёд кечиктирилди.
Айрим рейслар 1 кундан ортиқ кечикди: масалан, Мальдивларга кетувчи SU320 рейси шанба кунидан якшанбагача кутиб турилди, Алматидан келувчи SU1947 эса деярли бир кунга кўчирилди.
Телеграм-канал Baza хабар беришича, «юзлаб йўловчилар» терминалларда полда ўтирган ёки ётиб кеча ўтказган: «Кафе ва бизнес залларда ҳам бўш ўрин йўқ».
База маълумотларига кўра, баъзи йўловчилар самолётдан чиқишга рухсат этилмаган. Видеоларда эса энг йирик аэропортда кўп сонли одамлар ва жиддий вазият кузатилади.
Авиақатновлардаги муаммолар Россиянинг бошқа аэропортларига ҳам таъсир қилди — Калининград, Сочи, Нижний Новгород ва ҳатто Екатеринбургда ҳам рейслар узилди ёки кечиктирилди.
Элдор Шомуродовнинг янги жамоаси маълум. У Италиядан кетмоқда
Россия санкциялар билан таҳдид қилмоқда: нишонда Ўзбекистон ҳам бор!
Кеча Тошкентда рекорд даражадаги иссиқ ҳаво қайд этилди
