Хитой АҚШнинг янги "Олтин гумбаз" ракетага қарши мудофаа тизимини қуриш режаларидан хавотирда ва Вашингтонни ишланмалардан воз кечишга чақирмоқда.
Бу ҳақда Хитой ташқи ишлар вазирлиги (ТИВ) матбуот котиби Мао Нин маълум қилди.
Нингнинг таъкидлашича, "Олтин гумбаз" глобал, кўп қатламли, кўп доменли ракетага қарши мудофаа тизими бўлиб, у орбитал тутиб олиш тизимларини жойлаштириш орқали космосда жанговар салоҳиятни кенгайтиришга "интилади".
"Биз Қўшма Штатларни глобал ракетага қарши мудофаа тизимини ишлаб чиқиш ва жойлаштиришдан воз кечишга ва буюк давлатлар ўртасидаги стратегик ўзаро ишончни мустаҳкамлаш ва глобал стратегик барқарорликни сақлаш бўйича аниқ чоралар кўришга чақирамиз", - дея қўшимча қилди Хитой ТИВ вакили.
Эслатиб ўтамиз, аввалроқ АҚШ президенти Дональд Трамп “Олтин гумбаз” ракетага қарши мудофаа тизими учун 175 миллиард доллар ажратиш ниятида эканлигини маълум қилганди. Трамп, шунингдек, Канада ўз ҳудудини янги тизимга киритиш учун Қўшма Штатлар билан ҳамкорлик қилишдан манфаатдор эканини айтди.
Марказий Осиё халқлари учун Россия энди қизиқ эмас
"Ким Чен Инни суд қилиш вақти келди"
Россия ўт очишни тўхтатиш учун иккита шартни илгари сурмоқда — Bild
