Хитой АҚШ компанияларига нисбатан санкциялар киритди

Хитой Тайванга қурол-яроғ етказиб бергани учун АҚШ ҳарбий-саноат комплексига тегишли бўлган 13 та компанияга, шунингдек, ушбу корхоналарнинг 6 нафар менежерига қарши санкциялар жорий қилди. Чекловлар 2024 йил 5 декабрдан кучга киради, дейилади Хитой Ташқи ишлар вазирлиги баёнотида.

Санкцияга тушган юридик ва жисмоний шахсларнинг мол-мулки музлатилади ва улар билан бизнес юритиш тақиқланади, чекловларга дучор бўлган раҳбарларнинг Хитойга кириши тақиқланади, деб аниқлик киритмоқда Ташқи ишлар вазирлиги.