Хави Россия грандини бошқаришдан бош тортган

Хави "Барселона"ни тарк этгач, деярли бир ярим йилдан буён ишсиз юрибди. Испаниянинг Sport нашри саҳифаларида Хави ҳақида хабар эълон қилинди. Унда айтилишича, ёш мутахассис муносиб амбицияли лойиҳани кутишда давом этмоқда.

Хабарда Хави яқинда Москванинг "Спартак" клуби вариантидан воз кечгани ҳақида ҳам маълумот берилган.

"Хави Эрнандесни "Спартак" лойиҳаси ишонтира олмади," - дейилади хабарда.

"Спартак"ни ҳозирда Деян Станкович бошқармоқда. Айни пайтда жамоа Россия Премьер-лигаси турнир жадвалида олтинчи ўринда бормоқда.