Эрон минтақа халқларининг, хусусан, Фаластин ва Ливаннинг Исроил ҳужумларига қарши қонуний қаршилик кўрсатишини қўллаб-қувватлаш бўйича ўзининг принципиал сиёсатини давом эттиради.
Бу ҳақда Эрон ташқи ишлар вазири Аббас Аракчи ХАМАС Сиёсий бюроси аъзоси Халил ал-Ҳайя билан бўлиб ўтган телефон мулоқоти чоғида маълум қилди. А. Аракчи суҳбатдошига Эроннинг минтақадаги урушни тўхтатиш бўйича кўраётган сўнгги чора-тадбирлари ҳақида маълумот берди.
Ўз навбатида, Халил ал-Ҳайя ҳам Аббас Аракини Фаластиндаги, хусусан, Ғазо секторидаги сўнгги вазиятдан хабардор қилди. У Фаластинга қарши ҳужумлар тўхтагунга қадар қаршилик кўрсатишда давом этишларига эътибор қаратди.
ХАМАС Сиёсий бюроси аъзоси, шунингдек, Эрон делегациясининг АҚШ билан музокаралардаги позицияси учун миннатдорчилик билдирди. Ушбу позицияда минтақадаги барча фронтларда урушни бир вақтнинг ўзида тўхтатиш зарурлиги таъкидланган эди. Бундан ташқари, у Ислом Республикасига фаластин халқининг қонуний курашини қўллаб-қувватлаётгани учун ташаккур айтди.
Россия Молия вазирлиги ва Марказий банк Путинни огоҳлантирди
Шаҳар ҳокими ва унинг ўнлаб ходимлари ҳибсга олинди
"ЕИнинг барча давлатлари бу мавзуда овозини ўчириши керак"
