Эрон Ислом инқилоби муҳофизлари корпуси (КСИР) Баҳрайнда жойлашган Amazon компаниясининг маълумотларни қайта ишлаш марказига ракета зарбаси берилганини маълум қилди.
КСИРга яқин бўлган Tasnim агентлиги тарқатган баёнотга кўра, объект бир нечта қанотли ракета билан нишонга олинган ва тўлиқ йўқ қилинган.
Айни пайтгача Баҳрайн ҳукумати, АҚШ расмийлари ҳамда Amazon компанияси мазкур ҳужум ҳақидаги маълумотни тасдиқламаган. Шунингдек, бу даъволар мустақил манбалар томонидан ҳам ҳозирча тасдиқланмаган.
КСИР баёнотида таъкидланишича, ушбу ҳужум АҚШнинг Эрон ҳудудига берган сўнгги зарбаларига жавоб сифатида амалга оширилган. Теҳронга кўра, АҚШнинг минтақадаги инфратузилмаси ва Вашингтон фойдаланаётган объектлар қонуний ҳарбий нишон ҳисобланади.
Аввалроқ Украина дронлари Россиянинг Wildberries маркетплейсига тегишли Ленинград вилоятидаги логистика мажмуасига ҳужум қилган эди. Дрон зарбасидан кейин омборда ёнғин чиққан ва уч киши жабрланган.
Ҳужумдан сўнг компания Санкт-Петербург ва Ленинград вилоятидаги икки логистика маркази фаолиятини вақтинча тўхтатган.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
