«Бизда ҳали якуний натижалар йўқ, аммо... бу сайловда ютқазганимиз аниқ. «Талабалар рўйхати» ғалаба қозонди: улар 135 тадан 140 тагача ўрин олади, бизда эса 105 та ўрин бўлади. Парламентга бошқа ҳеч ким ўтгани йўқ», — деди мамлакат собиқ президенти Александар Вучич.
Аввалроқ Сербия Марказий сайлов комиссияси соат 18:00 га келиб парламент сайловларида сайловчиларнинг қатнашиши 64,9 фоизни ташкил этганини хабар қилган эди — бу 1992 йилда Югославия парчаланганидан бери энг юқори кўрсаткичдир.
Вучич томонидан сентябрь ойида тайинланган муддатидан илгари сайловлар деярли икки йиллик талабалар норозилик намойишларидан сўнг бўлиб ўтди. 2024 йил ноябрь ойида Нови-Саддаги темирйўл вокзалида бетон соябоннинг қулаб тушиши ва оқибатда 16 кишининг ҳалок бўлиши бунга сабаб бўлган эди. Танқидчилар ушбу фожиани Вучич ҳукуматининг коррупцияси ва эътиборсизлиги билан боғлаган эдилар.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
