Москва, Пекин ва Вашингтон Россия ва АҚШ президентлари Владимир Путин ва Дональд Трамп ҳамда ХХР раиси Си Цзиньпиннинг уч томонлама учрашувига тайёргарликни бошлади. Бу ҳақда 25 октябрь куни Россия президенти ёрдамчиси Юрий Ушаков маълум қилди.
Унинг сўзларига кўра, учала томон ҳам музокаралар ўтказишга принципиал жиҳатдан тайёр. «Ҳозирда Москва, Пекин ва Вашингтонда учрашувни ўтказишга принципиал жиҳатдан тайёр эканликларини ва унга тайёргарлик бошланганини аниқ айта оламан», — деди Ушаков. У Хитой томони учрашув ташкилотчилигига жиддий ёндашаётганини қўшимча қилди.
Музокараларни 18–19 ноябрь кунлари Хитойнинг Шэньчжэнь шаҳрида бўлиб ўтадиган Осиё-Тинч океани иқтисодий ҳамкорлиги (АТЭС) саммити доирасида ўтказиш кўзда тутилган.
Уч томонлама учрашув ўтказиш имконияти 21 октябрь куни Путиннинг АҚШ президенти махсус вакили Стив Уиткофф билан музокараларида муҳокама қилинган эди. Дональд Трамп ҳам аввалроқ бундай форматдаги музокараларни истисно этмаган эди. Учрашув санасининг якуний тасдиғи ҳозирча эълон қилинмаган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Дунёдаги энг йирик йўловчи самолёти Москвага қўна олмаяпти — ОАВ
Ўзбекистон Самарқанд ҳақидаги баёнотлар сабаб Эронга норозилик нотаси топширди
