Украина ҳарбийлари Россия қўшинларига қарши операцияларни ташландиқ газ қувурлари, сув қувурлари ва ерости туннеллари ичида ўтказа бошлади. Украина Миллий гвардиясининг 2-корпуси — «Хартия» жанговар бўлинмалари Купянск ҳудудида «Велес» операцияси давомида ерости коммуникациялари орқали 15 километрдан ортиқ масофага илгарилаган.
Еростидаги ҳаракатлар ер юзасида дронлар ёрдамида амалга оширилган зарбалар билан мувофиқлаштирилган. Украина томонининг таъкидлашича, операция натижасида 30 нафардан ортиқ россиялик ҳарбий асирга олинган, яна қарийб 100 нафари ҳалок бўлган ёки яраланган.
«Россияликлар газ қувурлари орқали қўшинларимиз ортига ўтишни режалаштирган. Биз душманнинг ҳаракатларини олдиндан тахмин қилдик ва ерости жанги тактикасини ўзлаштирдик», — деди «Хартия» корпуси қўмондони, бригадир генерали Игорь Оболенский.
Украина ҳарбийлари маълумотларига кўра, аввалроқ Россия бўлинмалари диаметри тахминан 1,2 метр бўлган қувурлар ичида пулемёт позициялари, қум тўлдирилган қоплардан тўсиқлар ва ҳатто яшаш жойларини ташкил этган.
Дастлаб Украина Қуролли кучлари ерости йўлакларини артиллерия ва авиация зарбалари билан йўқ қилишга уринган. Бироқ Россия қўшинлари янги йўлаклар очишда давом этгани сабабли Украина бўлинмалари бевосита қувурлар ичида ҳаракатланиб, жанговар операциялар ўтказишга киришган.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Дунёдаги энг йирик йўловчи самолёти Москвага қўна олмаяпти — ОАВ
Киевда энди электр ишлаб чиқариш манбалари йўқ — Кличко
