Венесуэладаги кучли зилзила оқибатида ҳалок бўлганлар сони 5000 нафарга яқинлашмоқда

Венесуэладаги кучли зилзила оқибатида ҳалок бўлганлар сони 4930 кишига етди.

Бу ҳақда Миллий Ассамблея (парламент) спикери Хорхе Родригес бу ҳақда ўзининг Телеграм-каналида эълон қилди.

Родригес томонидан эълон қилинган янгиланган ҳукумат ҳисоботига кўра, 16 740 киши турли даражадаги жароҳатлар олган, яна 17 907 киши уйсиз қолган. 190 та иншоот бутунлай вайрон бўлган ва 856 та бинода жиддий зарар кўрилган.

Қидирув-қутқарув ишлари доирасида 6462 киши қутқарилган, 35 781 киши касалхоналарда тиббий ёрдам олган. 128 324 оилага ёрдам кўрсатилган, 21 210 киши 107 та вақтинчалик лагерларга жойлаштирилган ва жабрланганларга 10 063 тонна озиқ-овқат етказиб берилган.

24 июнь оқшомида Венесуэлада зилзилалар қайд этилган. Тахминан 40 сония оралиғида 7,2 ва 7,5 магнитудали иккита зилзила содир бўлган. Иккала зилзила эпицентрлари Ярасуй штатида бир-биридан 10 километр узоқликда жойлашган эди. Асосий зилзиладан сўнг 1308 та афтершок қайд этилди.