NBC телеканали Вашингтонда Bombardier CRJ700 йўловчи самолётининг Sikorsky H-60 ҳарбий вертолёти билан тўқнашуви оқибатида ҳалок бўлган йўловчиларнинг жасадларини қабул қилиш учун вақтинчалик ўликхона ташкил этилганини маълум қилди. Бу ҳақда "РИА Новости" ёзмоқда.
Телеканал маълумотларига кўра, самолёт ҳалокатида ҳалок бўлганларнинг жасадларини қабул қилиш учун Вашингтонда вақтинчалик ўликхона ташкил этилган.
Вақтинчалик ўликхона сифатида фойдаланилган қизил чодирлар Вашингтондаги Жанубий Капитолий кўчаси яқинидаги вертолёт майдончасига ўрнатилгани хабар қилинган. ОАВ маълумотларига кўра, жасадлар ўликхонага қайиқ ва тез ёрдам машинасида олиб келинмоқда.
Колумбия округи тиббий экспертизаси операцияни Колумбия округида ўн йиллар давомида ўтказилган энг йирик операция деб атади.
Аввалроқ, бугун, 30 январь куни эрталаб Вашингтондаги Роналд Рейган аэропорти яқинида вертолёт ва йўловчи самолёти тўқнашгани хабар қилинганди. ОАВ маълумотларига кўра, самолёт ҳалокатга учраган жойда Потомак дарёсидан 28 кишининг жасади чиқариб олинган.
Сув остида кўрилган энг улкан тирик мавжудот: У 34 метр узунликда ва Наполеон давридан бери яшаб келмоқда
Озод этилган исроиллик асирнинг сўзлари кўпчиликни ҳайратлантирди: "Сафингизда бўлишни истардим"
Ернинг ички ядроси 15 йилдан кейин тўхтайди — олимлар
