Вакилларимиз Вашингтондаги футбол тадбирларида иштирок этмоқда

Хабарингиз бор, бугун, 5 декабрь куни Америка Қўшма Штатларида 2026 йилги ФИФА Жаҳон чемпионатининг қуръа ташлаш маросими бўлиб ўтади. Ушбу нуфузли маросим олдидан Вашингтон шаҳрида футбол тадбирлари ўтказилмоқда.

Хусусан, Жаҳон чемпионати йўлланмасини қўлга киритган мамлакатлар делегациялари учун турли йўналишларда ФИФА томонидан семинар-тренинглар ташкил этилмоқда. Меҳмонхона, хавфсизлик, транспорт, маркетинг ва медиа каби йўналишларда Ўзбекистон футбол ассоциацияси мутахассислари ҳам иштирок этмоқда.