Ўзбекистонлик жангчи UFC билан шартномасини янгилади

Ўзбекистонлик UFC жангчиси Рамазон Темиров ташкилот билан янгиланган шартнома имзолади.

Бу ҳақда спортчининг мураббийи Жасур Алижонов Instagram'даги саҳифаси орқали хабар берди.

Алижоновнинг маълум қилишича, Рамазон Темиров UFC билан яна 4 та жанг ўтказиш бўйича келишувга эришган.

Маълумот учун, айни дамда ўта енгил вазн тоифасида UFC рейтингида 13-ўринни эгаллаб турган Рамазон мазкур промоушенда ҳозиргача 2 та жанг ўтказиб, ҳар иккисида ғалаба қозонган. У 27 июль куни Абу-Дабида қозоғистонлик Асу Алмабаев билан баҳс олиб боради.