Вазирлар Маҳкамасининг 154-сонли қарори билан жисмоний шахслар томонидан шахсий эҳтиёж учун хориждан биологик фаол қўшимчалар олиб кириш тартибига ўзгартириш киритилди. Бу ҳақда Божхона қўмитаси хабар қилди.
Қайд этилишича, энди жисмоний шахслар хориждан 10 тагача номдаги БФҚни бирламчи ўрамда, ҳар бир турдан бир ўрамдан кўп бўлмаган миқдорда олиб киришлари мумкин. Бунда уларнинг умумий оғирлиги 3 килограммдан ошмаслиги керак.
Шу вақтга қадар жисмоний шахслар томонидан ўз эҳтиёжлари учун олиб кириладиган биологик фаол қўшимчаларнинг меъёрлари уларнинг шаклига қараб белгиланган эди. Масалан, таблетка кўринишидаги маҳсулотлардан 100 донадан ортиқ олиб кириш тақиқланган.
Амалиётда эса хорижий давлатларда ишлаб чиқарилган битта қадоқдаги витамин ёки қўшимчалар сони 100 тадан ошиб кетган ҳолатлар тез-тез учраб турган.
Шунингдек, жисмоний шахсларнинг шахсий эҳтиёжлари учун биологик фаол қўшимчаларни божсиз олиб кириш меъёрларини оширишда аҳолининг таклиф ва мулоҳазалари ҳамда реал эҳтиёжлари инобатга олингани билдирилди.
Теҳронда Олий раҳбар вафоти муносабати билан катта мотам маросими бўлиб ўтмоқда
Жавоҳир Синдаров ва ижтимоий тармоқларни портлатган сурат
Тошкентда талаба йигит 9 нафар болага тазйиқ ўтказиб келгани аниқланди
