Олий суд маълумотига кўра, январь–сентябрь ойларида жиноят ишлари бўйича судларда 78 минг 739 нафар шахсга нисбатан 64 минг 902 та жиноят иши кўриб чиқилган.
Асосий рақамлар:
➖ 57 минг 376 нафар шахс судланган. Шундан 18 минг 26 нафари озодликдан маҳрум қилинган, 38 минг 737 нафарига бошқа турдаги жазолар тайинланган;
➖ 385 нафар шахс, жумладан, 161 нафар қатағон қурбони оқланиб, реабилитация қилинган;
➖ 6 минг 377 нафар шахс озодликдан маҳрум қилиш билан боғлиқ бўлмаган жазо тайинлангани сабабли суд залида қамоқдан озод қилинган;
➖ 13 минг 938 нафар шахсга нисбатан тергов органлари асоссиз қўйган моддалар айбловдан чиқарилган ёки қайта малакаланган;
➖ 26 минг 794 нафар шахс жазони ўташдан муддатидан илгари шартли озод қилинган, 8 минг 761 нафарининг жазоси енгилроғига алмаштирилган.
Кўриб чиқилган жиноят ишларининг аксариятини фирибгарлик, ўғрилик, транспорт воситалари ҳаракати ёки улардан фойдаланиш хавфсизлиги қоидаларини бузиш ва гиёҳвандлик воситалари билан боғлиқ жиноятлар ташкил этган.