Ўзбекистон ўсмирлар терма жамоасининг ярим финалдаги рақиби маълум бўлди

Айни дамда Саудия Арабистонида 17 ёшгача бўлган футболчилар ўртасида Осиё Кубоги ўтказилмоқда.

Чорак финалда БААни таслим қилган ўзбекистонлик ўсмирлар бугун навбатдаги рақиби номини билиб олишди. Индонезияни 6:0 ҳисобида мағлуб этган КХДР терма жамоаси ярим финалда Ўзбекистон U-17 терма жамоасига қарши майдонга чиқади.

Баҳс 17 апрель куни Қирол Фаҳд стадионида бўлиб ўтади.

Эслатиб ўтамиз, ўзбекистонлик ўсмирлар "А" гуруҳида барча рақибларини таслим қилиб, биринчи ўрин билан кейинги босқичга чиққан эди.