Кеча Politico нашри уч нафар европалик дипломатга таяниб, Европа Иттифоқи давлатлари гуруҳи Европада бошпана бериш рад этилган мигрантлар учун 8–10 та мамлакат ҳудудида марказлар ташкил этишни таклифи ҳақида ёзди.
Нашр манбаларидан бирининг маълум қилишича, Ўзбекистон ва Қозоғистон ноқонуний мигрантларни учинчи давлатларга бадарға қилиш жараёнида ЕИнинг эҳтимолий ҳамкорлари қаторидан жой олиши мумкин.
Ўзбекистон Ташқи ишлар вазирлиги матбуот котиби Омонулла Файзиевнинг маълум қилишича, ушбу кўтарилган масала ҳақиқатга тўғри келмайди. ТИВ вакили бошқа тафсилотларга тўхталмади.
Шунингдек, Евроиттифоқнинг Ўзбекистондаги делегацияси ушбу масала муҳокамада эмаслигини билдирди.
Қозоғистон Ташқи ишлар вазирлиги Халқаро ахборот қўмитаси раиси Ерлан Жетибаев ҳам дипломатлар бундай турдаги музокаралар олиб бормаганини маълум қилган.
Ўзбекистонда янги кўл пайдо бўлди
Қирғизистонга юборилган 21 тонна тарвуз нега ортга қайтарилди?
Рустам Ғоиповга “Халқ артисти” унвонининг берилиши шахсан давлат раҳбарининг ташаббуси бўлган
