Ўзбекистон миллий терма жамоасининг Қирғизистон ва Эронга қарши ўйинлари вақти кўчирилди

Ўзбекистон миллий терма жамоасининг ЖЧ-2026 саралашидан ўрин олган Қирғиз Республикаси ва Эронга қарши учрашув вақтлари ва жойлари ОФК томонидан маълум қилинди.

Рамазон ойи муносабати билан мухлисларга қулайлик яратиш мақсадида Ўзбекистон футбол ассоциацияси учрашув вақтини ўзгартириш бўйича ОФКга сўров юборди. Сўров қаноатлантирилиб, ўйин 20 март куни Тошкент вақти билан соат 21:00 га кўчирилди.

Шунингдек, 25 март куни Эронга қарши сафар учрашувимиз “Озоди” стадионида Тошкент вақти билан соат 21:00 да ўтказилиши белгиланди.