«Uzbekistan Airways» авиакомпанияси айрим ҳаво кемаларини сотишини эълон қилди.
Хусусийлаштириш дастурига кўра, Boeing компаниясининг 4 та самолёти сотувга қўйилган.
Жумладан:
Boeing 757 (UK 75701), 1999 йили ишлаб чиқарилган;
Boeing 757 (UK 75702), 1999 йили ишлаб чиқарилган;
Boeing 767 (UK 67007), 2003 йили ишлаб чиқарилган;
Boeing 767 (UK 67008), 2004 йили ишлаб чиқарилган.
Давлат активларини бошқариш агентлиги томонидан бу жараёнларни ташкиллаштириш учун Буюк Британиянинг ACC Aviation компанияси маслаҳатчи сифатида жалб қилинган. У ҳаво кемаларининг техник ҳолати, бозордаги талаб ва таклиф асосида сотиш механизми бўйича таҳлил ўтказган.
2023 йил 21 январ ҳолатига «Uzbekistan Airways» авиапаркида 37 та самолёт қайд этилган.