Самарқанд вилоятида вояга етмаган ҳайдовчи иштирокида йўл-транспорт ҳодисаси содир бўлди. Бу ҳақда вилоят Ички ишлар бошқармаси маълум қилди.
Қайд этилишича, 22 март куни соат тахминан 11:55 да Ургут туманидаги “Чор чинор” маҳалласида Gentra русумли автомобиль 5 ёшли қизчани уриб юборган.
Ҳодисани содир этган ҳайдовчи воқеа жойидан қочиб кетиб, жабрланувчини хавфли ҳолатда қолдирган.
Тезкор чоралар натижасида ҳуқуқбузар аниқланган. Маълум бўлишича, у маҳаллий мактаблардан бирининг 11-синф ўқувчиси бўлиб, транспорт воситасини тегишли ҳужжатларсиз бошқарган.
Мазкур ҳолат юзасидан ҳайдовчига нисбатан маъмурий баённома расмийлаштирилиб, иш материаллари судга юборилган. Автомобиль эса жарима майдонига жойлаштирилган.
Ҳодиса оқибатида жабрланган 5 ёшли қизча шифохонага ётқизилган.
Эронда 19 ёшли спортчи дорга осиб қатл этилди
Эрон Трампнинг Ҳормуз бўғозини очиш ҳақидаги ультиматумига жавоб берди
Трампнинг онаси ўғли ҳақида: "У ақлсиз..."
