Мадриднинг «Реал» клуби бош мураббийи Жозе Моуринью бразилиялик вингер Винисиус Жуниорни яна энг яхши спорт формасига қайтариш учун махсус режа ишлаб чиққани хабар қилинмоқда.
The Touchline нашрининг маълум қилишича, португалиялик мутахассис футболчининг сўнгги пайтлардаги ўйин савияси ва майдондаги номақбул хатти-ҳаракатларидан норози.
Моуринью Винисиуснинг тўрт ўйинлик дисквалификациясидан фойдаланиб, унинг ўйини ва интизоми билан боғлиқ муаммоларни бартараф этишни мақсад қилган.
Манбанинг таъкидлашича, «Реал» устози бразилиялик футболчининг ишга муносабатида сезиларли ижобий ўзгариш кузатилмагунча, уни ҳатто Европа Чемпионлар лигаси учрашувларида ҳам майдонга туширмасликка қарор қилган.
Шу тариқа, Винисиус асосий таркибга қайтиш учун нафақат жисмоний ва техник жиҳатдан, балки интизом борасида ҳам мураббий ишончини қайта қозонишига тўғри келиши мумкин.
Эслатиб ўтамиз, 26 ёшли бразилиялик футболчи Испания Ла Лигаси доирасида «Вильярреал»га қарши ўтказилган ва «Реал»нинг 1:0 ҳисобидаги ғалабаси билан якунланган учрашувда қизил карточка олган эди.
Шундан сўнг Винисиус Испания чемпионатининг тўртта ўйинидан четлатилди.
Роналдунинг севгилиси Мессининг оиласига учта сўз билан мурожаат қилди
«Олтин тўп»-2026 учун асосий даъвогар номи маълум бўлди
«Барселона» футболчисини 500 миллион еврога сотмоқчи
