АҚШ ҳарбийлари Эроннинг ядровий объектларига янги зарбалар бериш имкониятини кўриб чиқмоқда. Бу ҳақда CNN телеканали хабар берди. Ҳужумлар давомида «барча бомбалар онаси» деб номланувчи GBU-43/B MOAB бомбасидан фойдаланиш эҳтимоли ҳам муҳокама қилинмоқда.
Ушбу бомба АҚШ арсеналидаги энг кучли ядровий бўлмаган бомба ҳисобланади. Унинг оғирлиги қарийб 9,5 тоннани ташкил этади. CNN билан суҳбатлашган, бу масаладан хабардор бир нечта расмий шахс бундай вариант кўриб чиқилаётганини тасдиқлаган.
Нашр манбалари эҳтимолий нишон сифатида остида ядровий объект жойлашган Пикакс тоғини тилга олган. Бироқ «барча бомбалар онаси» мазкур объектни йўқ қила оладими-йўқми, ҳозирча аниқ эмас. Сабаби, иншоот ер остида катта чуқурликда жойлашган.
Манбалардан бири бундай бомбардимоннинг асосий мақсади ҳарбий иншоотни йўқ қилишдан кўра, руҳий босим ўтказиш ва Эрондаги руҳонийлар ҳокимиятини қўрқитиш бўлиши мумкинлигини таъкидлаган.
The Wall Street Journal нашрининг ёзишича, Теҳрон янги зарбалар эҳтимолини кутиб, ўзининг ядровий объектларини мустаҳкамламоқда.
CNN маълумотларига кўра, АҚШнинг Эронга қарши ҳарбий ҳаракатлари 3 ноябрь куни бўлиб ўтадиган Конгресс сайловларидан сал олдин ёки сайловлардан кейин қайта бошланиши мумкин.
Оқ уй CNN телеканалининг MOAB бомбасидан эҳтимолий фойдаланиш режалари ҳақидаги саволларига изоҳ беришдан бош тортди.
Маъмурият вакили фақат Дональд Трамп Эрон ҳеч қачон ядровий қуролга эга бўлмаслигини кафолатлаш учун «барча вариантларни очиқ қолдираётганини» маълум қилди.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
